Par un biau matin ,
M'n amoureux s'in vient m' dire : "Elisse,
Te sais bien qu' ch'est d'main
Qu'on va juer 1' Gomédi Gratisse !
Pour y aller à deux,
Mi, j' mettrai m'n habit bleu;
Ti, te mettras tous tes dorlores,
El t'n écourcheu couleur aurore...
D'après chin qu'on dit,
Qu'nous arons du plaisi !"
Vlà donc l' jour venu,
Ah ! jour de malheur quand j'y pinse !
Bras d'zous et bras d'sus,
Nous partons calés comm' des princes.
Mais là , 1' diffigulté ,
Vu 1' monde, étot d'intrer...
Tout d'un cop ! arriv' eun' poussate,
Conte 1' mur on m' rétind tout' plate !
J' vo' à min côté,
Min pauv' Ritin brond'lé !!!
Quoi dir' ! quoi dev'nir !
Tous chés gins, d' rir' tenott'nt leu panche;
Mi j' volos sortir,
Mais m'n amoureux m'tirot pa'm' manche,
Dijant : "Min patalon
Est troé dins les fonds..."
Infin , pour nous trouver eun' plache,
Nous grimpons qu'au trosième étache.
Sur des bancs bourrés,
Vit' nous s'avons plachés.
Mon Dieu! queu malheur,
N'y-ara donc point moyen d' s'intinte.
D'un côté on queurt,
Et d' l'aut' côté on s' délaminte ;
L'un di' : "Aie-iaé ! min bras !"
L'aut' : "Qu'est-ch' qui m' pouss' donc là ?"
J'in vos qui s' donn'tent des calottes ;
Lapièc' ! la pièc' ! crittent les autes.
Un diable brutal
Fait-i pus d' baccanal ?
Nous n'n avîme' assez ,
Et n' volant point vettier 1' reste,
L' long des émontés,
Ah ! parlez, comm' nous étîm's lestes !
Sur nous , jusqu'à dins 1' ru',
Des gins criottent : Ha, ! hu !
Adieu acteurs , adieu musique,
Adieu danseu' et tout 1' boutique,
Car tant qu'ell' dur'ra,
L' comédi' n' m'attrap'ra.
Alexandre Desrousseaux
- - -
Texte complet, avec de menues différences, sur Gallica :
https://gallica.bnf.fr/ark:/12148/bpt6k5424142f/f41.item.texteImage
Pour découvrir un peu plus la langue picarde, lisez